試鏡帶都拍埋？「雷神」自薦演占士邦

英國男星丹尼爾格力（Daniel Craig）拍新一集占士邦片之後就唔再拍，憑漫威（Marvel）超級英雄「雷神」一角上位的澳洲男星基斯漢斯禾夫（Chris Hemsworth）近日接受雜誌《Balance》訪問時就表明有興趣接棒演占士邦！

基斯笑言2013年舊作《一級雙雄》（Rush）就係他的占士邦試鏡錄影帶，在《一》片中，基斯飾演風流賽車手亨特（James Hunt）。他說：「當我哋拍攝《一》時，有人提及過占士邦。而我說諗：『型喎，如果呢盒係我為占士邦角色拍嘅試鏡帶咁就好喇！』」不過基斯亦坦承唔係想做就可以做：「你應該唔會見過有個人係唔想參與占士邦嘅，我好想做，但除咗我以外仲牽涉好多因素，唔係你自己想做就做到。」他表示要經過占士邦片監製Barbara Broccoli、占士邦fans以及整個劇組人員認同先可以演！

雖然基斯表明有興趣演占士邦，但網民似乎唔多接受。有網民留言說：「發夢啦！占士邦係英國人，一直都係！」亦有網民指邦片歷史中都有出現過一次由澳洲男星佐治拉辛比（George Lazenby）飾演占士邦，但結果失敗。希望都係搵番英國演員飾演。