忘年閨蜜情！周迅孖竇靖童睇演唱會返老還童

能成為蜜友大概總帶着愛！內地女星周迅與王菲大女兒竇靖童呢對忘年閨蜜又被網友影到結伴去睇美國歌手John Mayer演唱會，竇靖童自細就鍾意音樂，睇嚟都感染埋密友周迅，但就未見陳坤現身三人行。童童一身藍色長袖衫配長褲，而身邊周迅則童心未泯，孭住卡通背囊及戴Cap帽，一啲影后架子都冇，有眼利網友就發現，周迅呢身打扮早前曾在機場曝光，睇嚟44歲嘅佢心態仍然年輕喎。