老婆早產誕B女！ISSA改令和年號前做爹哋

日本跳舞男團DA PUMP，去年憑歌曲《U.S.A》鹹魚翻生，帶挈40歲主音ISSA亦工作量大增。出名花弗的ISSA，入行以來曾與上原多香子、柴咲幸和阿比留優等圈中索女拍拖，但他前年迎娶30多歲的化妝師老婆後修心養性，本月初更獲老婆為他誕下一女，低調榮升爹哋！

ISSA去年11月被雜誌踢爆老婆懷孕5個月，預產期原定於5月踏入新年號「令和」後，但B女提早於本月初出世。現正忙於巡唱的ISSA，亦有陪老婆入產房，親眼目擊囡囡出世，令他十分感動。