水着呀!雨僑譚嘉儀出海同陽光玩遊戲

2019年04月09日 22:38
東網電視
更多新聞短片
索呀喂!

藝人雨僑孖住好姊妹譚嘉儀(Kayee)和龔柯允(Karen)趁住好天氣,結伴出海遊船河同陽光玩遊戲。雨僑將遊船河相片上載喺社交網,已為人妻嘅佢毫無吝嗇身段,着住比堅尼泳衣大騷好身材成功搶Fo。身旁嘅Karen都唔輸蝕同樣身材出眾,反而Kayee以一件泰山斜膊衫上陣露肩亮相,仲要用手按住胸口以防走光。雨僑就發文話:「姊妹笑,又名假笑。此詞出自婚紗拍攝,用以形容各種不發出聲音而非常造作的笑容,通常配合類似不知道正在被拍攝的肢體動作,而最極致的呈現方式更會邊笑邊收腹。姊妹笑乃船河、bridal shower 、姊妹旅行拍照Po IG的必備利器,請各位小心使用。」三位靚女晒出長腿但就否認P圖,仲話「玩我咩,個地一行行咁我點P瘦對腳。」