曾受外遇引誘　陳錦鴻為維繫家庭冇行動

藝人鄧萃雯（雯女）、陳錦鴻、廖碧兒出席ViuTV全新節目巡禮，宣傳由他們主演的《婚內情》，陳錦鴻在該劇非常花心，雖有溫柔老婆鄧萃雯，但仍與談善言、廖碧兒談情，他在台上笑言自己本身都很花心，兒時願望是長大後「一拖三」：「我想有三個老婆，一個照顧屋企，一個同我享受人生、睇話劇嘅，另一個就精明，幫我打理財務，拍呢個劇，可以圓成我兒時嘅願望。」

同仔仔研究女人

之後，他跟鄧萃雯一齊做訪問，問錦鴻究竟有無行動過？他謂：「唔想小朋友唔開心，要維繫家庭就要作出犧牲，我都曾經受過引誘但無行動，個仔依家都十一歲，我同佢睇法國網球大賽嘅時候，都會傾吓邊個靚女。」鄧萃雯則直言戲內角色「好慘」，知道老公有外遇但顧全對方面子啞忍，問到拍此劇會否令到她對婚姻有不同的看法？她謂：「無諗咁多，要搵到個人，畀到百分百愛情、錫我，先會考慮婚姻。平時我做開女強人角色，今次可以拍啲溫婉戲，幾好吖！」

談到該劇播映的時間與無綫的《鐵探》對撼，雯女說：「我哋片種唔同，依家觀眾都唔會趕返屋企追劇，都係喺網上度睇，希望個圈百花齊放，各有各嘅選擇。」

節目巡禮上，播出多個即將推出的劇集與綜藝節目，當中羅家英接受《友枱VIP》節目訪問，其中一段，他透露：「有啲友台嘅舊同事，唔尊重阿姐嘅業內貢獻同埋社會地位。」但由於只是節錄片段，所以，沒有詳述原因。