騷味濃！李晨粉紅Look扮傻豹

內地藝人李晨外表男人味十足，其實心裏面童心未泯，佢喺微博晒出兩張相片，並留言：「粉紅色的......的......回憶......」相中佢同內地男星朱亞文齊齊擺甫士，好笑就好笑在李晨着咗一身粉紅色嘅運動裝束，手更抱住一隻粉紅色嘅傻豹，姣味十足！而朱亞文則着套米色運動裝束上陣，一時扶門框，一時撐腰，兩位男士真係想笑死網民，難怪網民齊聲謂：「你好騷啊！」真係頂得住先好！