百四人銅鑼灣快閃跳舞　麥秋成畀人圍

星級排舞師麥秋成於銅鑼灣商場進行快閃舞表演，由於適逢周末下午，街上人來人往，他帶領8位舞蹈員、以及超過140人走在街上起舞，引來數百人圍觀。跳舞多年的他首次在街頭玩快閃時說：「雖然只係短短4分鐘嘅舞蹈，但跳完心情依然又興奮又緊張，因為喺人多、車多嘅銅鑼灣玩『快閃』，仲要同140人一齊跳舞，其實會有好多預計唔到嘅事情發生，但感恩今天天氣非常好，前一晚大家仲擔心會不會落雨。」

正忙於為林子祥演唱會排舞的秋成，其實在五月還有另一個任務，就是首次接拍電視劇。他說：「一直都想試，終於有機會，預計下個月埋位拍電視劇，要演奸角，當知道要拍劇，我約了Ming　Sir（劉兆銘）出嚟傾偈，因為MingSir都是由舞蹈表演者跳入演藝界，佢很照顧我呢啲後輩，仲畀咗好多意見，令我獲益良多，希望對我將來拍劇有幫助。」