【大露背＋長腿】楊柳青「泰」解放

模特兒出身嘅女星楊柳青擁有一副弗爆Body，佢亦不時甫出性感照大派福利，絕對唔會吝嗇。近日佢去到泰國曼谷旅行，當然唔少得玩下水消暑啦，而佢亦好識做咁晒出多張泳衣相，等粉絲大飽眼福。佢着上紅色一件頭泳衣，本身睇落好似冇咩睇頭，但原來一擰轉身就係大露背，加埋長腿，真係超養眼。佢除咗喺岸邊歎椰青，仲落埋水大玩濕身誘惑，認真索到爆！佢亦有留言，分享自己嘅旅行心得：「不知道從甚麼時候開始，去旅行不喜歡有太多的行程，喜歡百無聊賴的感覺，今天選擇留在酒店，扮游水，拍拍照，曬曬太陽，感覺特別好。」