可惜！鄧以婷懶起身放棄爬烏魯魯巨岩

無綫新咪神鄧以婷（Irina）近日飛到澳洲旅行，仲去咗澳洲世界自然遺產之一嘅名勝烏魯魯巨岩，因為巨石以獨特的紅色外觀見稱，所以每年都吸引唔粉遊客慕名前來，但可惜自上世紀五十年代以來有唔少人因攀登烏魯魯巨岩喪命，所以當地政府早前宣布今年十月起禁止遊客攀上巨岩。

身穿運動裝晒「咪咪」同纖腰嘅Irina，見佢已經準備就緒，以為佢會趕上尾班車攀巨岩，點知佢竟然話覺得只可遠觀而不可褻玩焉，所以都係巨石前影吓靚相，她在社交網留言：「以前睇完在世界中心呼喚愛，就覺得要爬上Ayers Rock呼喚吓愛，但因為爭議性，安全問題和不想早起，所以放棄爬上去。2019年10月開始也會全面禁止攀爬，所以我這輩子也沒機會了，不過我覺得Ayers Rock是遠觀而不可褻玩焉，我相信他已經收到我愛的呼喚。」唔少網友大讚靚人靚景，仲話佢着到咁靚，一定唔少人聽到佢嘅愛的呼喚！