接受視象訪問　究竟主持講乜令「雷神」咁尷尬？

「雷神」基斯漢斯禾夫（Chris Hemsworth）昨日在英國宣傳《復仇者聯盟4:終局之戰》（Avengers:Endgame）期間接受早晨節目《This Morning》夫婦檔Eamonn Holmes與Ruth Langsford視象訪問。

身在倫敦一酒店的基斯最初被女主持Ruth問到在錄影廠鄰近的酒店舒唔舒服？基斯回答一切好好。之後Ruth就指她寧願他在錄影廠現場接受他們訪問。點知在旁的老公Eamonn卻突然拋出一句：「佢（Ruth）想見（你把）『鎚仔』。」由於有「延誤」加上基斯可能有jetlag停頓幾秒之後才畀到反應，笑住回答：「在上一部中已被破壞。」

網民對男主持的「問題」在社交網掀起討論，有網民爆粗留言說：「『Ruth想睇你把鎚仔！』好X尷尬啫！」更有唔少網民批評整個15分鐘訪問好悶，主持問埋啲沉悶問題之外，基斯亦答得好奄悶。不過唯一有話題就係基斯暗示今次可能係最後一次演「雷神」。