爆好姊妹恨嫁！SG睇好Jessica「跑出」

組合Super Girls幾位成員，對於Jessica宣布婚訊，表示戥對方高興，還笑言對方一向待嫁，對於Jessica結婚不感意外，Yanny表示早便睇好Jessica會「跑出」，直言要送一份別具心意的結婚禮物給她！

Cheronna說：「好感動，大家相處多年，知道佢係一個待嫁女人，終於結婚，可以見證佢去人生另一階段，戥佢開心，希望佢可以幸福快樂。」至於Heidi亦戥Jessica結婚開心，她說：「畀佢搶閘到做SG首個人妻，知佢想做人妻，知佢想生小朋友，唔意外佢宣布婚訊，恭喜晒Jessica。」Heidi還笑言成員有機會陸續成為人妻，對於下一位宣布婚訊的成員感好奇，但她表示自己成為下一位人妻的機會不大。

至於隊長Aka則「警告」Steven要好好對Jessica，她表示︰「Steven一定要對你一世專一，如果唔係，我唔同佢客氣。」