顧家男人買七人車　周柏豪擔心冇位泊

藝人周柏豪出席「全新平治港島品牌中心開幕盛典」，他揚言很喜歡車，現已是「三車之主」：「我有越野車、跑車、旅行車，因為細過嘅時候喜歡呢啲車，有能力就去買，想擁有番，但我都有規定，最多只能夠有四架車，依家淨番一個位應該會揀七人車，可以車屋企人。」

今次出席活動令楊豪好開心，可以睇到新車又遇到好多朋友：「呢度有好多汽車發燒友。（有三架車咪開支好大？）係呀！但太太都有個Formula，每次買完車都只能用車價10%嚟整靚架車，所以每次我都係睇住嗰10%去執。」

問養三架車，老婆有冇詐型？他笑言：「佢唔會，佢都好多手袋啦，依家目標買七人車，但都要睇下先，因為最頭痛係車位，有錢都未必有位租，同埋要儲錢。」