【娛樂回帶】Jessica結埋婚！SG何去何從？

女子組合Super Girls（SG）嘅32歲成員蔡明思（Jessica）喺社交網上載二人煙韌合照，又以晒求婚戒指嚟宣布佢即將做人妻！結婚本身係開心事；不過組合方面，近排5位成員都分別投入唔同圈子作新嘗試，好似Cheronna同Aka率先推出個人Solo歌唱作品，Yanny出演英皇電影《墮落花》等等。佢哋個人活動頻繁，反而少用組合名義推出新作品，令外界一直擔心佢哋今年會解散。依家帶大家回一回帶Super Girls經歷過嘅風雨，希望Jessica結婚唔會影響組合之後嘅活動啦！