鍾情事業型男性　陳瀅讚陳家樂好捱得

藝人陳瀅出席「歐米茄星座MANHATTAN女裝腕表慶祝活動」，期間透露腕錶太貴，自己唔捨得買，但卻會買作禮物送給爸爸：「試過買隻價值6位數嘅錶送畀爸爸，我成日以爸爸為傲，佢好靚仔、好勤勞、好努力做嘢養我哋，買貴嘢畀佢都應該。（媽咪會否詐型？）媽咪就送首飾，最錫嫲嫲，所以買樓送畀嫲嫲。（幾時到你喺香港買樓？）等我攞咗三粒星身份證先，依家仲未係香港永久居民，應該下年可以攞到。」

陳瀅不停讚爸爸，問找男友會否以爸爸為指標？她說：「爸爸到依家都仲有做嘢，唔想退休，我鍾意男人以事業為重。（鍾意成熟型？）都接受到比我大10歲嘅人。（唔接受姊弟戀？）如果細過我，思想好成熟都冇問題。（陳家樂同爸爸係咪同一類型？）兩個都唔一樣，咁佢（陳家樂）都好捱得。（符合條件？）佢都靚仔，應該都孝順。」