粉絲暴漲500萬！佘詩曼考慮晒水着派福利

藝人佘詩曼（阿佘）出席活動，被問到微博粉絲人數已衝上逾1,700萬，她直言自《延禧攻略》後，粉絲突然增多了500萬：「威力好勁，冇諗過咁有影響力。以前自己甫嘢都諗咗先，因為好多人睇到，想畀正面影響佢哋。（甫多啲？）睇心情同時間，唔刻意，想分享自己感受或者抒發吓。」

問若達到2,000萬粉絲時，會否倣效惠英紅穿三點式派福利？阿佘說：「三點式？諗吓！小紅姐身材咁正。」有指阿佘被無綫力邀回巢拍劇，她表示因已有工作在身，故未有檔期，其後透露4月便要到內地拍古裝劇，到內蒙古拍足五個月。今次拍古裝劇要策騎，她自言並非運動型，故有點擔心：「驚條腰，之前整親過腰骨。（有陰影？）少少，替身一定有，不過盡量想自己做番，都好玩嘅。」