等緊一個機會　阮頌揚跟King sir學戲增值

藝人阮頌揚性格開朗積極，更經常會去進修增值，去年十二月，他就報讀了一個演技班，跟鍾景輝、導演歐文傑等導師學戲，他謂：「呢個演技班為期三個月，今年四月頭畢業，之前都跟過King sir（鍾景輝）學戲，今次多咗歐文傑等導師，練習畀之前會多好多，好開心能夠順利畢業，希望學到嘅嘢能夠用喺工作之上。」

阮頌揚直言跟他一起去上演技班的同學，個個都是熱血份子，對拍戲懷着一夥熱誠的心：「其實幾感動，我啲同學個個嚟自五湖四海，有模特兒、有全職特約演員，娛圈有時會有啲聲音話冇新一代演員，但呢個班同學係好有心想喺呢行發展，只係等緊一個機會，祝佢哋之後可以工作不斷，可以完成自己嘅夢想。」