紅姑阿Sa撐平治中心開幕 柏豪養3個老婆開支大

20190412
東網電視
更多新聞短片
紅姑、阿Sa、陳凱琳和周柏豪現身平治港島品牌中心,見證開幕誌慶。
藝人鍾楚紅(紅姑)、蔡卓妍(阿Sa)與周柏豪等昨晚現身平治港島品牌中心開幕禮,容光煥發的紅姑最近賞櫻回港,自言可與花溝通;剛推出自家護膚品牌的阿Sa心情大靚,透露已搵男友石恆聰做白老鼠試貨;「三車之主」柏豪則表示開支大,每次僅能以車價10%為愛車扮靚。
鍾楚紅、蔡卓妍、周柏豪、陳凱琳、陳智燊與宋熙年等,昨晚出席由仁孚及梅賽德斯-奔馳舉行的全新平治港島品牌中心開幕盛典,眾人分別坐上平治旗艦車系登場,期間聯同仁孚集團行政總裁Mr. Benjamin Birks、梅賽德斯-奔馳香港有限公司行政總裁Mr. Frederik Gollob及仁孚香港及澳門區常務董事李龍基先生(Mr. Aaron Lee)主持亮燈儀式,並由怡和控股有限公司副行政總裁及仁孚集團主席彭耀佳(Mr. Y.K. Pang)先生致歡迎詞。
齊齊設計限量版熊公仔
阿Sa與紅姑特別為活動設計限量版平治小熊毛公仔,席間與「親生仔」合照。剛推出自家謢膚品牌的阿Sa,不諱言前晚緊張得失眠:「件事籌備咗好耐,投資最少六位數字!其實除咗面膜,其他產品都會陸續推出。(畀男友石恆聰試?)都有!其實呢個面膜都多男士買。(男友有冇夾份?)唔好一齊做生意好。」擁有車牌的她被問到可有在港揸車?她說:「我人生第一架車就係Benz,當時未考到牌已經買咗,對自己好有信心,一次合格!」
至於「三車之主」的柏豪透露擁有越野車、跑車及旅行車:「有能力就去買,但我最多只能夠有四架車,依家淨番一個位應該會揀七人車,可以車屋企人。(三架車開支大?)係啊!每次買完車都只能用車價10%整靚架車,睇住嗰10%去執。」
另外,上月即興赴日本賞櫻的紅姑表示,本身很喜歡花,家中也有種花,自言可以與花溝通!她帶着親自設計的熊公仔上台,由於喜歡花,所以連公仔身上都有一朵花。問可有興 趣修讀花藝師課程?她說:「種得多就會有心得,有心得就會愈有興趣,我特別對植物同動物有耐性。(追你嘅男性要用鮮花攻勢?)咁我成日都收好多花嘅。」
陳凱琳搵阿爸補鐘
而向來敢於挑戰的陳凱琳(Grace),昨晚在活動上率先試揸紅色Mercedes-AMG A 35 4MATIC跑車登場,直言事前特別搵爸爸補鐘:「我喺香港呢幾年都冇乜點揸車,所以特登搵爸爸補鐘,揸咗半個鐘,周圍兜吓,爸爸都話OK嘅。」
Grace笑言老公鄭嘉穎喜歡紅色車,所以早前試揸紅色跑車時,特別影相讓他看,至於會否叫老公換車?她笑說:「等佢試揸過先!(依家有小朋友,優先換架七人家庭車?)老公依家架車係兩座位,有時都幾尷尬,一家人食完飯之後,我會同奶奶講我搭的士!(嘉穎揸慣跑車,如果換七人車會唔會唔慣?)可以揀啲型啲嘅車款嘛!」