小鮮肉操刀影靚相 呂慧儀教仔發放正能量
20190412
東網電視
更多新聞短片
到底呂慧儀呢張靚相係邊個影嘅呢？
藝人呂慧儀（長腳蟹）早前宣布同黃文迪結束7年婚姻後，繼續如常努力工作拍攝劇集《愛．回家之開心速遞》，而公餘時間就全心全意照顧阿仔黃柏翹（蟹籽），仲不時喺社交網發放正能量添！
今日佢就喺社交網分享咗段爸爸同佢講嘅說話：「心態。決定境界。你想甚麼，你愛甚麼，你說甚麼，你做甚麼，決定你的將來。很多人，講就天下無敵，做就無能為力。要知道，沒有做不到的事，只有不願做的人。沒有熱誠，怎會拚命？有人喜歡渾渾噩噩，有人喜歡豐盛精彩，無悔或後悔，看自己造化。沒有嘗試，沒有付出，沒有收穫。」長腳蟹仲話要將呢段說話同阿仔講，咁識教仔，相信蟹籽一定好生性喇！而佢張配相係擺出若有所思嘅樣，獲網友大讚靚女，張相仲係由同劇嘅小鮮肉周嘉洛操刀拍攝，估唔到「金城安」影相都有一手喎！
此外，今朝長腳蟹晨早就戴住Cap帽素顏行山，相當健康，唔怪得有咁多正能量啦！
----------------------------
東網巨星開咗ig喇，大家快啲follow啦！