狂派檸檬！陳嘉容呻港男冇耐性

名模陳嘉容出名勤力，保靚樣保身材更加出盡力，早前她晒出泳裝照，玲瓏曲線冇得輸！

日前她拍攝修身廣告，以泳裝示人，她說拍攝時值冬季，雖然在影樓取景，但影樓仍然陰陰涼，對於再挑戰泳裝，她說：「我成日覺得，仲靚、身形仲見得人嘅時候，點解唔騷吓，有本錢唔怕露，將來老咗，可能連游水都只會着潛水衣，覺得當作紀念。（留紀念仲賺到錢？）呢個係Main Point。」

去年她工作處於作戰狀態，除拍廣告，又做亞姐形象總監、公司的形象指導、及推出自己品牌等，今年她希望將工作擴闊至小朋友及太太的層面，教授儀態和形象。仍然單身的她，直言有追求者，但自嘲生活像農夫，被迫推約會，慘遭食檸檬的男士起碼有五個，她無奈地說：「唔知香港男仔係咪比較冇耐性，推一兩次，就以為我拒絕，但其實因為我要早瞓，夜瞓嘅話，幕前狀態唔好，試過有次唔夠瞓，導演即刻發現，問我尋晚係咪好夜瞓。（你要幾早瞓？）如果第日要拍嘢，夜晚十點半要瞓。（咁好難約你？）可唔可以六點就食飯？我想應約但時間上可唔可以犧牲少少？」