待嫁心情緊張　嚴紀雯姊妹團預告玩殘戥穿石

仁濟醫院前主席嚴玉麟女兒嚴紀雯（Carmen）以仁濟醫院董事局總理身份出席活動，講到今年六月即將成為人妻，她表示已訂好日子：「6月14同15分兩場，第一日係行禮加cocktail（雞尾酒會），之後係擺酒，會喺香港搞。」

Carmen話早前已經過咗大禮，依家準備得如火如荼，有做運動Keep Fit：「都有少少緊張，始終係人生大日子。（密密同姊妹開會？）冇，但姊妹負責玩新郎遊戲，我未婚夫聽到話佢班兄弟好玩得。（下戰書？）佢真係咁講。」

談到懷有身孕的何超盈是否成為姊妹團成員之一？她說：「以我最新update佢會嚟。（佢去咗美國待產？）唔方便透露。」