袁鎮業突破心理關口做「爸爸」

藝人袁鎮業（Kelvin）愈來愈多演出機會，近日在不少劇集及廣告都見到他出現，早前他孖好友兼訓練班同學利穎怡一同拍廣告搵真銀，今次兩人飾演夫妻兼有一名女兒，拍攝期間，利穎怡指Kelvin父愛爆棚，小朋友都很喜歡黏着他，Kelvin說：「我都好鍾意小朋友，最近仲做咗『爸爸』！」原來他指的是飼養了一頭愛犬老虎狗仔whisky。

Kelvin說：「其實我一直好怕狗，細個時候住圍村，畀隔籬屋嘅大狗追過又成日畀佢吠，久而久之產生咗心理陰影，但人大咗發覺自己鍾意狗，去到有養狗嘅朋友屋企，又要驚但又想同佢哋玩，最終佢決定要突破自己心理關口照顧屬於自己嘅狗仔，做個有承擔同責任心嘅『爸爸』！」

Kelvin開心地表示人一定要有成長要進步，克服自己的難關，不要讓人生中有遺憾，決定了的事情就要用心做好：「依家每日見到狗仔健康成長，係我人生中最快樂嘅事！」