SG協議唔做姊妹!Aka睇人嫁晒先結婚

20190413
東網電視
更多新聞短片
Super Girls話講好咗結婚唔會邀請任何一個做姊妹!
Super Girls隊長Aka(趙慧珊)出席活動,即場唱新歌《你在聽嗎?》,她開心首支單飛歌曲反應很好,現時都傾緊第二、三首歌,稍後會推出。問到可會造首甜蜜的情歌送給被求婚成功的隊友Jessica?她笑言:「唔使啦,不過真係好戥佢開心,我哋成日估係邊個最快嫁得出。(你估佢?)我估佢或Cheronna,其實佢宣布嘅時候我係唔信,我仲以為佢係搞笑,點知真係我就有啲眼濕濕,我同佢喺呢個組合7年,好似姊妹,依家送佢出去咁,好似潑出去嘅水咁,好唔捨得,但好祝福佢哋,佢未婚夫又似陳家樂咁靚仔,又錫佢又搞笑。」
問到幾時知道Jessica會宣布喜訊?她表示是對方公布前一、兩日得知,問到她們可會做姊妹?她表示:「我哋SG有個協議,講好咗結婚唔會邀請任何一個做姊妹,因為做姊妹會好忙,想坐喺台下面enjoy成個婚禮嘅感動,佢年尾會喺台灣共諧連理。(你哋度定期?)盡量都一定會去。」
當問到幾時到她結婚?她笑言:「我諗我係Super Girls最遲一個,因為其他姊妹都好多人追或拍拖。(你冇人追咩?)我真係好dry,之前去英國嗰陣塊面係dry到爛咗,個人由入面dry到出嚟。(你唔會心急想結婚?)有啲唔想,我係隊長嘛,我要睇晒其他姊妹有個歸宿先,我做最後一個,佢哋幸福我就幸福。」