黃庭鋒孖前輩做主持　差啲食「檸檬」收場

藝人黃庭鋒近日有份參加無綫節目《娛樂大家》，今次係佢第一次參與咁大型綜藝節目，所以寧舍開心：「其實我係第一次參與咁大型嘅綜藝節目，以前睇獎門人睇得多，但今次仲可以成為其中一位娛樂Family！！！」

講到難得同前輩汪明荃（阿姐），庭鋒話大家好守時：「同阿姐拍攝當然開心啦，大家都好守時，場內觀眾又好有氣氛。 」最好笑係當日台慶庭鋒同阿姐爭大獎，但點知對方竟然唔記得咗佢：「我有次喺廠問阿姐：『記唔記得我？』，佢話：『好熟口面但唔太記得。』，當我一講到台慶大獎51萬，佢就同我講：『我記起啦，我畀咗個51萬你。』」