復仇者襲韓　「Marvel隊長」貝兒出動食好西

漫威（Marvel）超級英雄大片《復仇者聯盟4：終局之戰》（Avengers: Endgame）仲有唔夠兩個星期就上映。而一眾「復仇者」連日來四出宣傳，片中三位主角「鐵甲奇俠」羅拔唐尼（Robert Downey Jr.）、「Marvel隊長」貝兒娜森（Brie Larson）以及「鷹眼」謝洛美維拿（Jeremy Renner）昨日就做先頭部隊抵韓國宣傳，雖然他們於韓國時間凌晨4時抵達仁川機場，但仍有大批fans到來接機。而他們亦主動為fans簽名及握手。羅拔唐尼更獲贈鮮花！

返酒店休息幾小時之後，有fans影到「Marvel隊長」即與助手及工作人員去首爾廣藏市場食「好西」品嘗韓國地道小食，之後仲去唱K。廣藏市場是韓國傳統市場，有好多地道美食同韓國特色產品買，遊客常去，是外國觀光客到韓國旅遊的必去景點之一！至於謝洛美就去景福宮睇櫻花。