正式公開！趙式芝拖新歡JW入馬場

名媛趙式芝和波爾錶太子女楊如芯早前驚爆去年結束七年同性婚姻關係，「夫妻」緣盡，更有指趙式芝已和小學同學JW蜜運中，更在社交網的感情狀況列為「跟JW交往中」外，之後又傳出JW本身有一名拍拖多年的女友，根本仍未分手，三角關係錯綜複雜。惟近日趙式芝和JW的關係應明朗化，不單被拍得在上環十指緊扣兼撐枱腳，今日更孖咇現身馬場，戀人關係正式公開！

今日趙式芝以一身長裙打扮，偕同新歡JW在沙田馬場觀賞賽事，期間兩人尤如孖公仔般糖黐豆，如影隨形。身穿西裝作男性化打扮、一頭短髮的JW，不時邊行邊玩電話，即使有傳媒在場，未有避忌。

趙式芝接受東網電話訪問，對於和新歡JW連環被拍，問到關係是否已公開？她說：「都OK啦，好穩定，但盡量唔想咁高調，好似平時咁行街食飯睇戲，始終係兩個人嘅事。（今日有斬獲？）我哋入去睇吓賽事支持屋企人同朋友，開頭做咗少少善事（輸錢），之後因為JW同朋友夾份落注，都贏咗少少買餸錢。」