被胡鴻鈞寸唱功?林峯盛讚:好有上進心

20190415
東網電視
更多新聞短片
睇嚟佢哋私下關係都唔差啵~
藝人古天樂和林峯出席電影《P風暴》慶功宴,電影港上映10日已有1200萬票房,內地更達6億佳績,問到可想過有這成績?古仔表示:「一向都冇理票房,只係想拍好佢,咁一部一部上,每集比上一集票房好已好開心。(有信心過10億?)吓,冇乜目標,成績好就好開心。」問到可有分紅?古仔竟謂:「冇㗎,唔使啦!(因已係老闆?)唔係,同黃生(黃百鳴)識咗廿幾年,自己亦不嬲唔計錢,一直拍戲都冇要求分紅。」而在旁的林峯亦謂拍戲都沒試過收分紅,亦會跟老闆一樣。
解釋不收分紅原因
古仔解釋不收分紅原因:「一部票房好啫,咁都有其他戲票房唔理想,何必要畀壓力呢?當然希望部部都好收,最緊要係做好香港電影,一齊做好個市。」而現場亦宣布開拍第5集《G風暴》,古仔謂今年內會開拍,他已預留檔期拍攝,現正拍《尋秦記》,之後更要完成2部電影先。至於慶功宴後,古仔和林峯即返內地為電影開工,古仔稱今次有好多高難度的危險動作。不怕弄傷舊患?他直言:「都驚㗎,不過最難唔係拍動作,而係要度喜劇位,諗到?晒頭先度到。」提到獲封「新一代電影大亨」,古仔反應是:「哈哈!(有冇壓力?)呢個冇回應。(會開多啲戲?)我冇回應,放過我啦!」
林峯讚胡鴻鈞有上進心:印象非常之好
至於林峯表示多得古仔給他新戲路嘗試,已有一段時間未有拍電影,更是首次演奸角。現票房大收,他坦言:「算係安樂少少。(可以結婚喇?)呢個就冇回應。」問到可知胡鴻鈞是誰?林峯說:「知道。」講到有指胡鴻鈞人紅變囂張,在人前說唱歌叻過林峯,搞到被星夢雪藏懲戒,林峯謂:「呢個冇回應,不過當年喺無綫時曾經有合作過,覺得佢個人好Nice,佢好上進嘅,喺我印象中佢非常之好。(覺得佢唱歌點?)好聽呀!」