揭求婚經過！Jessica＠SG鬧爆未婚夫變態

剛宣布答應台灣男友求婚的女子組合Super Girls成員Jessica首次出席公開活動，和成員Yanny齊現身點心店。Jessica未有戴上求婚戒指，她表示：「我唔慣，所以放喺屋企，同埋我會成日轉隻戒指，怕啲人誤會我做乜咁。」Yanny即說：「我都想睇吓。」Jessica說：「上次你咪睇過囉，你啲眼神，好似暗示我晒命咁。」

問到婚期？Jessica透露是10月尾，會在台灣擺20幾圍酒席，會有接新娘、玩新郎的傳統環節，雖然準老公在港工作，亦和家人同住香港，但他們怕辛苦，故只返男家家鄉台灣擺喜宴，不會在港再擺酒，又爆公司的同事比她更緊張：「公司幫我mark咗一個月假，仲幫我book埋化妝，整頭。」Yanny指屆時會總動員出席。

擔心影響組合發展

Jessica分享求婚經過，男友和經理人夾埋設局，指被求婚的自己是最後一個知道真相，多次指男友「好變態」：「話去泰國做嘢要去兩間酒店，喺第一間酒店放低我，叫我拖住個篋去另一間，原來男友覺得搞到我咁辛苦，求婚時我會易答應佢，要我由地獄上返天堂，好變態。」問可喜歡男友的變態情趣？Jessica說：「OK啦，好細心。」Yanny羡慕說Jessica男友好愛她，曾向她諮詢意見：「感覺佢男友想摘天上個月亮送畀佢囉。」

至於生BB問題，Jessica指會順其自然，非有孕才突然宣布婚事，自己都鍾意小朋友，亦因快變人妻身份，曾擔心影響組合發展，她說：「但經理人話冇影響，工作一樣做，除非我有BB。」

Yanny對結婚有憧憬

而和男友拍拖幾年的Yanny表現恨嫁，但男友未求婚，不過對結婚有憧憬：「想簡單啲，唔擺酒，想好似舒淇同馮德倫咁，結咗婚先同大家講。（可會主動向男友求婚？）佢都係我結婚目標（對象），不過現工作為先。」