一中一西　鍾舒祺自爆男女家分開擺酒

歌手鍾舒祺出席新城訪問，是她爆婚訊後首度露面，她稱會10月擺酒，笑言：「你知婚禮都係為咗父母做，酒席都係阿爸阿媽訂咗通知我哋。（mark咗期未？）咁一定有期嘅。」她稱男女家會分開擺酒，因男家圍數較多，女家就請朋友佔多，男家擺中式，女家就西式。講到造人大計，她稱都放心將來兩家人都會爭住湊B，但都是順其自然不會抗拒懷孕，但最好都是幾年後先發生。

家姐鍾舒漫爆她不想爆婚訊是希望繼續做少女？她笑謂：「係呀，我仲好少女心，好想仲着啲粉色系列少女打扮，結婚後都唔係唔可以着嘅，但最搞笑有好多人以為我奉子承婚，仲有啲客想我以有咗BB嘅身份去唱首歌，我同佢講真係唔係有咗喎！」

至於新歌《印象》是和老公未婚前的愛情結晶品，但她笑言：「但真係唔好同親人合作做嘢，真係會有意見出入而嗌交嘅。（即係兩夫婦合作第一首1亦係最後一首？）咁又唔會，下次咪企喺同一個觀點先去做囉。」