夠敬業！鄭少秋甘扮猩猩氹妹妹仔開心

藝人鄭少秋（秋官）、江若琳（Elanne）、麥子樂、游學修等為ViuTV劇集《詭探前傳》開工，拍攝一場生日會戲份，抱住劇中孫女的秋官表現開心，期間二人還一起玩拋波，為了令小演員投入角色，秋官與Elanne輪流搞笑，秋官還大唱兒歌扮猩猩氹妹妹開心，更笑指與小演員玩拋波感吃力，因不停拋波又執波。

被問到可有記起以前湊女回憶？他表示：「以前工作太忙，較少時間湊女，不過都有帶佢哋去主題樂園玩。｣更指女兒是前世情人，故對劇中女兒沈殷怡同樣溫柔，並即時教新人兩招演父女情：「教佢對老竇好似打情罵俏一樣，因為係前世情人！劇入面佢仲惡過我，成日駁嘴。現實對住個一樣『冇哂符』，我哋屋企全部都係女人，所以女人話事，女權至大。」