《愛．回家》張明偉嗌行開吓　網友勁擔心

藝人張明偉最近喺處境劇《愛．回家之開心速遞》同阮政峰扮「HeHe」成功入屋，人氣急升嘅佢竟然突然喺社交網發文，指發生咗啲事壓力好大，坦言要「行開吓」，佢提到：「係時候行開吓，最近發生好多事都幾heavy...真係唔到你去解決，尤其係發生喺他人身上，但問題天天都存在，時刻影響住自己，蔓延到身邊嘅人甚至整個局勢。我相信大部分人（包括我自己）都有呢個情況。我知好難，但大家真係要多啲自我反省，做好自己，at least try your very best......（起碼曾經盡力嘗試過）」佢仲晒出一張機場自拍相，似乎係準備旅行散吓心。唔少網友都好擔心，紛紛問佢發生咩事。