【終極大贏家】英皇狂掃12金像獎！

《第38屆香港電影金像獎頒獎典禮》昨晚曲終人散，英皇狂掃獎項，其中由莊文強執導、周潤發、郭富城等演出的《無雙》，榮獲最佳電影、最佳導演、最佳編劇、最佳攝影、最佳剪接、最佳美術指導、最佳服裝造型設計共7個獎項；林超賢執導的《紅海行動》則贏得最佳動作設計、最佳音響效果及最佳視覺效果3個獎項；近年屢次提名屢次獲獎的影后惠英紅，今次就憑《翠絲》獲最佳女配角，再加上奪得影帝的黃秋生，英皇連擸12個獎項，成為今屆金像獎大贏家！

老闆楊受成當然飲得杯落，於賽後拉大隊出席公司與兩間電影公司及金像獎舉行的慶功宴，除了惠英紅、蔡卓妍（阿Sa）、何珮瑜、湯怡等出席外，亦吸引大批藝人現身，如出爐男配角袁富華、32位新生代嘉賓司儀、周家怡、胡定欣、潘燦良與女友蘇玉華等均有現身，場面熱鬧。

而阿Sa接受電話訪問時，表示收到好多鼓勵短訊：「剩係手機短訊二百幾個，後來再睇埋網上留言幾百個，加埋都真係有成千個message，真係好感動！」阿Sa經理人霍汶希受訪時，則透露會繼續為對方嚴選好劇本及題材好的電影，更說：「英皇最多唔係珠寶，係最多影帝、影后，其實楊生都好支持阿Sa，都希望佢早日踏上影后之路，我就覺得影后條路好漫長，可以慢慢嚟，咁佢之前都完成咗幾部戲，今年會陸續會見觀眾見面。」