赴韓訪問復仇者聯盟 王鎮泉開心到暈

20190417
東網電視
更多新聞短片
王鎮泉係《復仇者聯盟》系列忠實擁躉。
無綫娛樂主播王鎮泉(Jeoffrey)日前到首爾為電影《復仇者聯盟4:終局之戰》做專訪,以及為當地的粉絲見面會做直播,自言是該電影系列忠實擁躉的他,起初知道能夠參與該項盛事大感興奮,他說:「今次可以親身見到『Iron Man』羅拔唐尼(Robert Downey Jr.)、『Marvel隊長』貝兒娜森(Brie Larson),以及鷹眼謝洛美維拿(Jeremy Renner),三位都係第一次見,見到真係開心到暈!羅拔唐尼今次非常風騷,粉絲見面會時仲開Live同我哋互動,當時我仲直播緊,變成我哋互相直播對方,我對呢部電影好期待,好想知劇情發展,見好多媒體都想盡辦法想演員劇透,睇住佢哋點抵擋各式各樣劇透陷阱都覺得好得意。」
醬油蟹回味無窮
而今次首爾之行,Jeoffrey亦趁機不停「食好西」,當中品嘗一間馳名醬油蟹店令他驚喜非常:「應該係我食過最好食嘅醬油蟹,仲要好大隻,蟹膏撈飯簡直係人間美味,難怪人哋話醬油蟹係『米飯小偷』,而且呢度仲比香港食貴價海鮮平好多,希望可以有機會再食過。」
----------------------------
東網巨星開咗ig喇,大家快啲follow啦!