晒弗爆泳照！陳茵媺讚陳豪影得好

藝人陳茵媺與電訊盈科媒體董事總經理李凱怡小姐、電訊盈科媒體收費電視業務總裁蔡煒健先生，在中環海濱出席NowTV全新親子服務組合發布會暨「童學玩動會」開幕禮，並為兒童醒獅進行點睛儀式為活動揭開序幕。陳茵媺分享教小朋友心得會放手 讓小朋友嘗試，訓練自信心，但身為媽媽緊張亦難免。

陳茵媺與老公陳豪（阿Mo）最近到泰國蘇梅島慶生，原來是老公為她炮製的生日驚喜，認真恩愛，她說：「同老公去咗兩日，小朋友就奶奶睇住，本來都想去耐啲但係又唔捨得啲小朋友。本來唔知嘅，老公諗住畀個Surprise我，但係旅行社嘅經紀穿咗煲，佢先同我講。」講到她的泳衣照被讚身材弗爆，她說：「好開心着到嗰套泳衣，阿Mo影得角度好、又曬黑咗、天氣好熱，冇小朋友喺身邊可以着得靚啲，大仔同我女鍾意我着得靚啲、二仔就保守啲。」

返港後陳茵媺則與小朋友一起親手做彩虹蛋糕為陳豪慶祝生日，她說：「老公好鍾意我哋手做嘅嘢禮物，覺得好有心思，今次第一次整彩虹蛋糕，都有啲緊張，小朋友就幫手裝飾蛋糕。」

講到轟動全城的「安心偷食」事件，陳茵媺說：「作為藝人私人生活往往都變得好公開，自己係局外人，唔想畀咁多意見，唔希望火上加油，希望佢哋會好好處理，希望佢哋好。」問到陳茵媺的老公陳豪可會被人引誘，她說：「我囉，因為我依家都仲當佢男朋友。」問到會否管束老公約朋友？她說：「佢都係約我多，我都同佢一齊去。」