遊英倫被食客抄牌 Aka真受溝?

20190418
東網電視
更多新聞短片
個食客係咪英國型男班尼狄甘巴貝治?
組合Super Girls隊長Aka(趙慧珊)向來熱愛畫畫,兼曾開過畫展做善事,早前她抽空去倫敦兩個星期於當地修讀美術課程,增值自己。是次倫敦之旅,Aka課餘時間還參觀了大英博物館、動物園、倫敦橋和大笨鐘等名勝,四圍吃喝玩樂,笑言唔捨得走,非常享受當地的文化氣色。
問到有否艷遇?Aka笑言「Dry爆」:「我去到英國皮膚就好乾,仲甩皮,不過返到香港就冇事。」她說美術課全女班,只有老師是男人:「美術學校有好多打扮新潮嘅男仔,不過我讀嗰班全部都係女同學,只有阿Sir係男人,不過同學都好好人,我唔知當地上堂用具都係自己帶,佢哋都即刻借畀我。」雖然學校如此Dry爆,不過Aka有晚於餐廳食飯時,就被餐廳內的男食客讚:「記得有一晚食飯時,有一位外國男仔走過來,好禮貌咁讚我靚之類,不過讚咗幾句就走咗。當時冇諗到佢係想識我,反而我同行攝影師就話佢係想暗示抄我牌。」