【出軌?】張建聲全身咖喱雞

20190418
東網電視
更多新聞短片
張建聲拍劇搞到全身都係咖喱雞!
藝人張建聲、陳意嵐、張沛樂(沙律)及吳浣儀,演出網劇《向西聞記》中的單元《咖喱雞》。劇中陳意嵐搭上已有女友沙律的張建聲,最後張建聲背正印出軌,更搞到全頸全身都是咖喱雞,水洗都唔清。劇中陳意嵐因為太傷心飲酒洩憤,其中一幕她酒醉拎起皮帶狂抽張建聲,為求效果更鞭鞭有力,她表示:「拍極都唔係好真,張建聲叫我真係鞭落去,跟住佢個樣好憤怒,因為真係畀我打咗幾吓。」
至於張建聲就對大讚單元「正」:「因為我一個人分飾兩個角色,係一個自己同自己講嘢嘅故事,今次最特別係同吳浣儀一齊做嘅笑位,出現幾好笑嘅化學作用,呢套戲亦係我從影以來最多粗口嘅一部,有七、八成都係講粗口,爆粗爆得幾過癮,但我都有另外配咗一個乾淨版嘅。」