恨同欣宜拍劇！鄭少秋：佢有獨特風格

藝人鄭少秋（秋官）為ViuTV劇《詭探前傳》埋尾，由於他曾坦言希望可以和女兒鄭欣宜拍劇：「當然好啦，最好做父女！（教她兩招？）冇咩可以教，我發覺現今啲年輕人非常醒目，欣宜嘅演技叫嫩少少，唔叫入行好多年、老資格，不過佢有自己獨特風格，現今年輕人演戲好生動好入戲！」

秋官在新劇中卻「出手」幫拍檔郭偉亮（Eric），他「打手勢」幫助對方「借視線」，Eric感激對方細心照顧，更容易投入角色拍攝：「佢真係好細心，知道一個視壇新人要咩，不會介意落手落腳幫你、教你，我好感激可以在他身上袋住好多嘢走！因為我有少少寒背，但角色要成日挺直條腰，所以問吓秋官有沒有甚麼姿勢可以幫我，佢教完我之後，我腰骨都真係直了好多！」