【上年拎第三】黃榕獲健美比賽亞軍

20190418
東網電視
更多新聞短片
黃榕獲健美比賽亞軍。
藝人黃榕日前參加「2019 Global class M program盃」,這個健美小姐比賽中,她當中贏得當中環節「比堅尼小姐」亞軍和「美臀小姐」第5名。黃榕今次已是第三次參加,她受訪時說:「第一次參加贏得第4名,上次攞季軍,今次就得到亞軍,真係好開心,每次見到自己有進步!」今次賽事第一次舉辦「美臀小姐」贏得第5名,黃榕說:「輸得心服口服,當中有俄羅斯、台灣的參賽者,對手好強!(點準備?)日日都舉PatPat,不過自己都鍾意練,日日都舉,晚晚瞓覺喺床都舉200下,做Gym方面都特別加強PatPat訓練,我做好多深蹲,舉重啲鐵餅,做好多關於臀部嘅訓練,自己都盡咗力,好滿意今次成績!」
其實今次黃榕一方面做舞台劇又參加比賽,分外辛苦,她說:「咁啱比賽又連住舞台劇演出,比賽前一星期演出,遇上我正為比賽進行脫水,磅數去到90磅咋,嗰個星期好辛苦,因為排劇冇時間去健身,由早到晚排只瞓得3、4個鐘,真係好多謝舞台劇嘅對手,佢哋知我比賽,幫我操,拉橡筋、攞大疊劇本當啞鈴,幫我訓練,搞到我成日去咗男更衣室,當嗰度係Gym Room!」