玩ASMR挑戰江嘉敏　陳瀅俘虜宅男心

ASMR（自發性知覺高潮反應）近年好流行，有人話聽完有助減壓，係唔少都市人抗壓良藥。繼之前「清純女神」江嘉敏以男友視角玩ASMR後，今次輪到另一位無綫女神陳瀅為大家治療一吓。不過今次陳瀅就冇扮演「女友」，第一次玩ASMR嘅佢用溫柔聲線講嘢，玩水之餘又食餅乾，真係聽到小編起晒雞皮！

之後陳瀅提議熄燈去收聽，話咁樣會令效果更佳，仲叫大家估吓佢喺度做緊咩。當大家沉醉於陳瀅嘅ASMR懷抱嘅時候，開燈竟然見到嘅係《愛．回家之開心速遞》嘅「群姐」許思敏！原來佢喺度為大家「撩」緊耳仔，仲問大家有冇聽到耳朵懷孕，認真搞笑！

雖然網民似乎Buy江嘉敏版本多啲，話陳瀅冇厘正經忍唔住笑，但係佢嘅甜美笑容已經贏晒，俘虜唔少宅男芳心，仲提議下次不如搵男藝人玩，唔知又會有咩效果呢？

網民有話兒

Gxxxia kxxn：咁樣吹法，耳朵冇懷孕，耳朵流產就有

Luxxx Lx xx：快點第3集，我不要再看到群姐

Txxxy xxe：上次江嘉敏正經好多，今次好流喎！！

xxo Pxxl：睇完硬晒呀！陰功！拳頭呀！