跳躍F4合體　兄弟齊撐張彥博聲演電影

藝人何廣沛、張彥博（阿博）、羅天宇、郭子豪因拍攝劇集《跳躍生命線》而成為老友，更組成男團「跳躍F4」。最近阿博首次為動畫片獻聲，日前舉行電影首映禮，其餘三子現身力撐好友，「跳躍F4」再次合體啦！

當四兄弟齊齊影相，冇一個正正經經，不斷擺出唔同甫士，佢哋更將主角阿博個樣遮住，十足十大細路！相中亦見到，四人都着上白色衫，好似夾過一樣，證明四人之間好有默契。何廣沛喺社交網留言幫好友宣傳：「好兄弟雄姐為卡通片《女皇哥基大冒險》配音，跳躍F4當然要支持吓啦，你哋都去睇吓雄姐嘅聲演啦！」