無懼兄弟比較　胡鴻鈞唔心急開紅館騷

踏入29歲的胡鴻鈞，現正忙於為無綫劇集《降魔的2.0》拍攝，早前在工作中慶祝生日，他坦言希望身體健康之餘，亦想更有衝勁工作。說到同期的許廷鏗及吳業坤已於紅館開個唱，他坦言不心急，希望再儲多些新歌。

想跳出Comfort zone

他接受訪問時坦言喜歡在工作中過生日，對於粉絲每年都會為他慶祝，他說：「本身Fans Club諗住同我搞生日會，但我要開工。（有乜嘢生日願望？）身體健康啦！年紀愈大愈覺得呢樣好緊要，亦希望自己有拚勁、衝勁去做自己想做嘅嘢，跳出comfort zone。」

去年底，胡鴻鈞曾於會展開演唱會，說到好友許廷鏗已於紅館開騷，吳業坤之後都會開第二次演唱會時，他說：「我都好戥佢哋開心，之前許廷鏗個騷一致好評，自己就繼續努力，儲多啲大家喜歡嘅歌先，我就唔心急嘅！」