楊冪現身長沙機場畀粉絲圍　舉起雙手嗌投降

內地花旦楊冪同劉愷威離婚後惟有寄情工作，將感情事放埋一邊。然而婚姻失敗無損佢嘅人氣。冪冪尋日（19日）現身長沙機場即被粉絲圍，見戴口罩、孭住名牌包包嘅佢心情似乎唔錯，即使被粉絲包圍搞到寸步難行，佢依然不失優雅向粉絲揮手，盡顯就和力。

不過，唔知係咪太過人多擠迫，冪冪期間做出舉起雙手兼攤開雙掌手勢以示「投降」，網友即發揮無限創意，話佢呢個動作似足日本動畫《龍珠》主角孫悟空用絕招元氣彈一樣，真係笑爆嘴！