王鎮泉扮韓仔　到韓國浪漫賞櫻　

無綫娛樂主播王鎮泉（Jeoffrey）早前到韓國首爾，寓工作於旅遊，期間正值櫻花季節，他當然不放過賞櫻機會，他說：「由櫻花初開到抓住櫻花嘅尾巴我都喺度，雖然其實好想去鎮海軍港欣賞櫻花海，但冇諗到首爾一樣可以欣賞到咁壯觀嘅櫻花，除咗第一次着韓服喺景福宮遊覽，又去咗蠶室嘅石村湖賞櫻，仲去埋汝矣島嘅輪中路賞夜櫻，覺得韓國嘅櫻花比日本嘅白，但比較大朵。」

Jeoffrey又謂一場來到當然要影相打卡留念：「但人潮實在太多，基本上花同人可以話係一樣咁多，點選擇影相地點避開人群，就成為今次一大樂趣，當搵到好地方影相會好有成功感，而且同夜櫻影記得要順住街上嘅射燈，間接幫自己塊面打燈。」他更指當地天氣很好，幾乎日日均是藍天，四周都變得很浪漫，情侶根本不用想甚麼約會地方，去有櫻花的地方就對了。