黃建東暗寸梁裕恆「抽水機」　唐詩詠畀Like

落選港男梁裕恆（Flow Leung）連日嚟不斷發文力撐黃心穎，隨即被大批網民瘋狂鬧爆，而無綫高層樂易玲亦對佢嘅行為表示：「發神經！呢個人抽水！絕對唔信！」呢日藝人黃建東就喺社交網出甫，疑似暗寸Flow係「抽水機」，指抽水機壞咗有5個原因，分別係：「1. 抽得太盡太乾？2. 抽得太成功所以抽過返尋味？3.官人我要抽，官人我又抽，官人我再抽，官人我仲抽？4. 係又抽唔係又抽？5. 除咗抽濕完全冇其他 function？」佢又提到「不如畀佢抖抖先啦」，即令網友指係明插Flow，而同Flow「開火」嘅唐詩詠都有畀Like。