打得勁過《鐵探》　鄧佩儀新劇演降魔女俠

前華姐冠軍鄧佩儀（Gloria）近年得無綫力捧劇接劇，繼《鐵探》後近期忙於為《降魔的2.0》拍攝，今次與麥凱程飾演降魔姐弟，她說：「麥凱程外國返嚟，大家好快有火花，戲入面做降魔姐弟，好搞笑。最多對手戲係胡鴻鈞，我哋識咗好耐，所以開工好愉快，好有默契，應該畀到新鮮感觀眾。」

Gloria今次角色平時是一位千金小姐，但降魔時卻成為一位女俠，戲中要吊威吔又要落海，她說：「好鍾意拍戲有唔同嘅嘗試，呢次有好多動作戲，比起《鐵探》仲多，真係好好玩，亦有好多情感戲過足戲癮。」

日前Gloria在社交網上載與姜皓文於《鐵探》中飾演亦正亦邪的游秉高拍攝花絮，佢預告自己就快出場，佢留言：「幸運是我。Ps: 在翡翠台星期三Kay出場啦！#榮幸和黑哥有那麼多對手戲 #我太幸運啦 #會繼續努力努力努力 #鐵探kay#鐵探」