【攰過返工】Bob同仔女玩足一個對冇晒電

藝人林盛斌（Bob）趁復活節假期忙於親子樂，抽空帶子女們到處吃喝玩樂，他將「子女夜歸背影照」上載到社交網留言：「放假真係攰過返工…」他事後笑說：「佢哋媽咪都安排咗佢哋去學啲手工藝嘅，咁啱我檔期又冇咁忙，咪帶佢哋出去踩單車、燒嘢食、游水…咁囉，玩足一個對我都真係冇晒電，不過作為家長，好明白『陪伴』嘅重要性。」

諗定母親節禮物

談到下月的母親節，身為愛妻號的Bob已開始有構思：「一定會畀驚喜太太嘅，都有啲構思，佢同我講咗有啲智能用品好似幾啱用咁，會隨嗰個方向出發去諗。啲仔女都好有心，年年都會準備心意卡送畀媽咪，相信今年亦唔例外。」