師姐陸詩韻唔贊成褫奪黃心穎港姐名銜

20190423
東網電視
更多新聞短片
身為師姐嘅陸齡韻覺得唔應該褫奪心穎嘅港姐名銜。
名模何紫綸(Ann)孖好姊妹陸詩韻(Sharon)出席「2019亞洲太平洋國際小姐選舉(香港區)」的記者招待會。提到最近轟動全城的「安心」偷食事件,女主角黃心穎跟Sharon同樣是港姐出身,Sharon表示:「感情嘅嘢係佢哋兩個人嘅事,外人判斷唔到,但藝人係公開場合應該要注意言行舉止。(有網民話要褫奪佢港姐名銜,你贊成?)唔贊成,嗰刻佢攞咗就係屬於佢,佢當時係值得攞,但如果佢係虛報資料,擺明講大話就要。」而Ann亦表示會特別訓練佳麗的品行:「出活動唔好大聲講嘢、食嘢唔好有聲。」
講到去年林昕雨同時食兩家茶禮,分別參加兩個選美活動,問到Ann於篩選報名者期間可會先「查家宅」?她指合約比去年更嚴厲、嚴格:「會先問佢哋係咪真係嚟參選,如果佢哋想參加另一個選美就叫佢哋走,唔好嘥時間。(如果佢再報名會接受?)唔會,高度有問題,上年去到國際決賽,見好多佳麗都好高,太矮企埋一齊就好似童裝咁!同埋今年想佢哋肥啲,上年有佳麗去到決賽係瘦到入院!」