陳百強父親設靈　陳百靈：與細佬分開葬

已故藝人陳百強（Danny）父親陳鵬飛在本月初離世，終年95歲，今日下午在香港殯儀館設靈。陳百強家人早已到場打點，而陳百強長兄陳百靈接受訪問，他神情平靜，問到父親喪禮可有儀式？他說：「冇宗教儀式，係普通致祭。」他謂父親去世時非常安詳、好舒服，問到父親可有病痛？他說：「冇乜特別，好精神。（佢有冇交代身後事？）冇乜準備，因為突然間。（佢有冇遺願？）冇。」問到父親可會與Danny一起葬在將軍澳？他表示不會，父親會土葬在荃灣華人永遠墳場，與爺爺一起。

問到母親現時心情？他說：「冇乜嘢，因為好自然，好正常，冇乜特別。（佢會嚟？）今晚會嚟。」問到可會有藝人朋友前來致祭？他說：「一啲啲啦。（邊個？）唔知。」問到父親的生意之後如何？他表示會由幾兄弟打理。而歌迷會的人亦有到場打點。