書到用時方恨少!郭晉安為仔女睇書學慢活

20190423
東網電視
更多新聞短片
郭晉安自覺書到用時方恨少。
藝人郭晉安(安仔)以「領讀人」身份出席閱讀主題活動,同場還有歌手陳柏宇(Jason)。安仔於台上分享家庭閱讀習慣:「我哋係基督教家庭,所以每晚都會讀聖經,有時亦都會按仔女要求角色扮演,仔仔鍾意睇《Harry Potter》,咁我就會變咗佛地魔,個女鍾意睇《Peppa Pig》,我就會變咗豬爸爸。」續自爆小時候好討厭睇書,相反鍾意睇劇本,更自覺書到用時方恨少,他隨即拎出一本靈修著作,表示從中學懂活慢:「唔好急,要學習尊重人,仔女啲脾氣都轉化咗,依家成間屋都溫和啲。」
Jason亦認同「慢生活」:「我最心急係出門口,老婆就好唔心急。(賴老婆?)唔係,係講事實,我就會抱住個女企喺?口等。」又大爆囡囡Abigail最近學識新技能:「佢識分講嘢同唱歌,會跟住唱歌!」問到可會趁機會向安仔偷師?安仔搶住說:「唔使,睇住個女長大,就會連命都想畀埋佢!女天生有個能耐係氹到你開心。」Jason再次認同,同時大爆老婆有投訴:「望住個女瞓係好得意!老婆就話我望佢唔係咁,但我有望㗎!係佢瞓咗!」之後會追多個?他坦言有計劃,不過都會擔心自己會偏心或忽略其中一個小朋友。
近日許志安(安仔)與黃心穎的偷食事件被全城怒插,同樣被稱為「安仔」的郭晉安撞名,他說:「唔好講呢個話題,唔講令件事更加好。」