陳百強父親設靈！汪明荃：佢走得好安詳

已故藝人陳百強（Danny）父親陳鵬飛今日下午在香港殯儀館設靈，英皇集團主席楊受成博士、英皇珠寶主席兼行政總裁楊諾思、汪明荃等到場致祭。下午5時半左右，汪明荃到場，她表示與陳爸爸相熟：「佢除咗係Danny爸爸外，喺粵劇界都出名，佢喺中環都有間舖，我行過會打招呼，佢係好嘅長輩。（得閒同佢飲茶？）好少！」問到對方離世可感到突然？她表示：「始終係老人家，但哥哥（陳百靈）都話佢走得好安詳。（你哋相識多年？）都係，一路都有少少來往，好多年。（唔捨得佢？）梗係啦，咁好人。」

另外，趙曾學韞與老公、顧美華、音樂人徐日勤、趙雅芝兩公婆等亦有到場致祭。