貪佢笨？陳志忠搞生意唔怕畀邱芷微呃

功夫藝人陳志忠（Wilson）和歌手邱芷微（Chelffy）早前現身鬧市搬貨，Chelffy力士上身搬起一大件貨物。兩人表示近日一同創業，搞健康營養品生意，並親自送貨到銷售地點上架。

曾開武館的Wilson表示做生意要找有誠信的夥伴：「之前畀人呃過，搞到要虧蝕離場，依家決定投資健康營養品生意都係自己有食開，又可以幫到人，我覺得同人夾做生意真係要搵信得過嘅人合作，凡事親力親為跟緊啲。（所以搵Chelffy幫手？）佢都有交帶，而且應該呃我唔到。」

他更大讚Chelffy凡事親力親為亦非港女：「我都估唔到佢主動肯幫手搬貨，仲好大力，好難得有女仔會唔怕辛苦肯搬貨。」問到Chelffy在鬧市搬貨送貨會否擔心形象，她笑說：「依家好多藝人創業都親力親為，我覺得冇咩大問題又更加親民，同啲客戶關係好啲就會多啲生意，不過我哋唔係開地舖，所以要見到我哋，除非網上或電話訂貨，時間許可嘅情況下，多數都係我哋親自送貨嘅。」